меджі
21. 7. 2024
слова в словах
тихо в тиху
выляты тмавый атрамент
і зломити грот пера
звізды ся мі сміють
чі їх побавити безнадїёв
з блуджіня?
помщу ся їм
украду сі світло звізд
(іронія)
драгу найду у протисмеру
но ціль нє
перестати
ся тримати
властного то дыху
тот мі дошов
а так тихо
признам свою пыху
штири рано, спанку нїт
в думках ся мі топлять
вшыткы части облогы
замінять мі світ
скрыти правду до слов, вет
в мелодїї зачне інша
зохаблю ся піснёв вести
слова в словах
тихо в тиху
(украду сі кущік сонця)
украду сі жару звізд
другый дослов дожыв днесь
поховам звізды
два метры під землёв
не є мі суджене
взяти їх зо собов
Коментарї:
Перегляд коментарїв
Іщі не суть жадны коментарї.
